La Bloomberg Tower ye un rascacielos de la ciudá d'Estaos Xuníos de Nueva York. Asítiase nel númberu 731 de l'avenida Lexington, nel Midtown Manhattan, y tien un altor de 246 m y 55 pisos, con una superficie edificada total de 130.000 m². Nella tien la so sede la compañía proveedora de noticies financieres Bloomberg L.P., amás de delles tiendes y restaurantes. Hai tamién 105 apartamentos de luxu, conocíos como One Beacon Court, qu'ocupen les plantes 31 a 55 de la torre y que tienen una entrada distinta de les de los pisos d'oficines.